श्वेतांबरी

जय देवी हे शारदे माउली,
तव स्तुतीस ही प्रभात झाली।

ज्ञानदायिनी तू आदिशक्ति,
बुध्दीप्रेरणा भासे तव भक्ती।

श्वेतांबरी ग्रंथमाला हस्ती,
हंसवाहिनी ज्ञानमूर्ती ।

लेखणीत तू माझ्या वसते,
विचारात तू सदैव भासते।

जय जय शारदा माते,
नतमस्तक हे मन होते।

कणाकणातून तुच भासते,
तव प्रसादे ही लेखणी चालते।

प्रभात झाली वीणेच्या नादाने,
मन भारावे तव स्तुती सुमनाने।

उगम तु, आरंभ तु माझा,
अंतही तूच सरस्वती माते।

28.06